አድማስ ኒቨርስቲ ከ1993 /ም አሰካሁን ድረስ ባለው ጊዜ ከ63 ሺህ በላይ ተማሪዎች በተለያዩ የትምህርት ፕሮግራሞች አሰልጥኖ አስመርቋል፡፡ ባለፉት ሁለት አሰርት ዓመታት ባፈራው የሰው ኋይል እንደ አንድ የግል ተቋም የሚጠበቅበትን መወጣት ችሏል ቢባል ማጋነን አይሆንም፡፡ እስካሁን ድረስ አሰልጥኖ ያስመረቃቸው ዜጎች በአግሪቱ የኢኮኖሚ ግንባታ የበኩላቸውን እየተወጡ እንደሚገኙ መረጃዎች ያሳያሉ፡፡

በአሁኑ ሰዓትም በአስር ሺዎች የሚቆጠሩ ዜጎችን እያሰለጠነ ይገኛል፡፡ ዩኒቨርሲቲው  ለትምህርት ጥራት በሰጠው ልዩ ትኩረት የውስጥ አደረጃጀቱን በማስተካከልና አሰራር በመዘርጋት ብቃት ያላቸው ዜጎችን ለማፍራት ጥረት እያደረገ ይገኛል፡፡

ባለፉት ተከታታይ ዓመታት የትምህርት ጥራትን ለማረጋገጥ ባደረጋቸው ቀጣይነት ያላቸው ተግባራት ምክንያትም  2010 /ም የአዲስ አበባ አስተዳደር ቴክኒክና ሙያ ቢሮ በከተማይቱ የሚገኙ የግል ኮሌጆችን በመከታተልና በመገምገም ደረጃ የማውጣት ስራን ያከናውናል፡፡ በተለይም የትምህረት ጥራት ያረጋግጣሉ ያላቸውን መስፈርቶችን በማውጣት  በከተማይቱ በሚገኙ 75 የግል የቴክኒክና ሙያ ኮሌጆች ባካሄደው ዓመታዊ ግምገማ ስድስት ኮሌጆችን በከፍተኛ ደረጃ መርጧል፡፡

በአፈጻጸማቸውና ባላቸው የትምህርት አሰጣጥ ብቃት ከመረጣቸው ስድስት ኮሌጆች  መካከልም አምስቱ የአድማስ ዩኒቨርሲቲ ኮሌጆች ናቸው፡፡ ይህ የሚያስደንቅ ውጤት ነው፡፡ይህ ውጤት የተገኘው ዩኒቨርሲቲው ጥራትን ለማረጋገጥ በሚያደርጋቸው ተከታታይ  ጥረቶች እንደሆነ እሙን ነው፡፡ የአዲስ አበባ ቴክኒክና ሙያ ቢሮ በሰጠው ምስክርነት መሰረት የአድማስ ኮሌጆች ከሁሉም የግል ኮልጆች በተውጣጡ አመራሮች ተጎብኝተዋል፡፡ ይህ የዩኒቨርሲቲው የትምህርት አሰጣጥ ጥራት ደረጃ የሚሳይ ነው፡፡ ከዚህ ጋር ተያይዞ በዩኒቨርሲቲው ትምህርታቸውን ሲከታተሉ የነመበሩ ተማሪዎችስ ምን ይላሉ?

ተስፋዬ ታደሰ በአድማስ ዩኒቨርሲቲ ቢሸፍቱ ካምፓስ ላለፉት ሶስት ዓመታት በአካውንትንግ የድግሪ ፕሮግራም ትምህረርቱን ሲከታተል  ከቆየ በኋላ ሐምሌ 21 ቀን 2010 /ም በደማቅ ሁኔታ በተከበረው የምረቃ ስነስርዓት ከተመረቁ 4 መቶ 90 ተማሪዎች መካከል አንዱ ነው፡፡ ተስፋዬን ከሌሎች ለየት የሚያደርገው  በከፍተኛ ውጤት በማጠናቀቁ የዋንጫ ተመራቂ መሆኑ ነው፡፡ በዩኒቨርሲቲው የተመራቂ ተማሪዎች ፕሬዚደንት ሆኖም ሰርቷል፡፡ 

 

 

ተስፋዬ ስለ አድማስ ዩኒቨርሲቲ ሲናገር “አድማስን ከሌሎች ዩኒቨርሲቲዎች ለየት የሚያደርጉት  ነገሮች  አሉት፡፡ ከእነዚህም መካከል በቀዳሚነት ሊጠቀስ የሚችለው ለትምህርት ጥራት የሰጠው ትኩረት ነው፡፡“ ይላል፡፡

ለትምህርት ጥራት የሚያደርገው ጥረት የተለያዩ መገለጫዎች እንዳሉትም ተስፋዬ ይናገራል፡፡ “ዩኒቨሬሲቲው ብቃት ያላቸው መምህራንን በመመመደብ፣ ላይብራሪና ሌሎች የመማሪያ ቁሳቁሶችን በሟሟላት፣ የምዘና ስርዓቱን በማጠናከርና ተከታታይ ምዘና በመስጠት የትምህርት ጥራቱን ለማረጋገጥ ከፍተኛ ጥረት ያደርጋል::”

 

ተስፋዬ አያይዞም ዩኒቨርሲቲው ክትትልና ድጋፍን በማድረግ እንደዚሁም በተማሪዎች የሚነሱ ችግሮችን ባግባቡ በመረዳት በፍትነት በመፍታትና የተማሪዎች ለውጥ ከጊዜ ወደ ጊዜ ያለውን ለውጥ በመከታተልና በመገምገም የተሻለ ውጤት እንዲያመጡ በማገዝ ረገድ የሚፈጽማቸው ተግባራት ዩኒቨርሲቲውን ተመራጭ ያደርገዋል ይላል:: 

በአካውንቲንግ የድግሪ ተመራቂ የሆነው አዲሱ ቱፋም ተመሳሳይ ሃሳብ አለው:: ዩኒቨርሲቲው ተማሪዎችን ውጤታማ ለማድረግ የተለያዩ የክትትልና ድጋፍ ተግባራትን ያከናውናል:: ለተማሪው የሚያስፈልጉ ነገሮች እንዲሟሉም ጥረት ያደርጋል:: ዩኒቨርሲቲው ብቃት ያላቸውን መምህራን በመመደብ የሚሰጠው ትምህርት የጥራት ደረጃውን ለመጠበቅ የተለያዩ ጥረቶች እንደሚያደርግም አዲሱ ይናገራል::

አዲሱ አያይዞም  “የትምህርት አሰጣጥ ጥራትን ለማስጠበቅ ዩኒቨርሲቲው የሚያደርገው ከሚያደርጋቸው ዘርፈ ብዙ ጥረቶች መካከል  በተከታታይና በማጠቃለያ የሚሰጡ ፈተናዎች ደረጃቸው የጠበቁ እንዲሆኑ በማድረግ ተማሪዎች ይህንን አውቀው በቂ ጥናትና ዝግጅት እንዲያደርጉ ያበረታታል፡፡“ ይላል::

ቤተማሪያም ግዛውም ከተመራቂ ተማሪዎች አንዱ ሲሆን አድማስ ዩኒቨርሲቲ በትምህርት አሰጣጥ  ጥራቱ ጥያቄ የለውም ይላል:: በአካውንቲንግ ለሶስት ዓመታት ትምህርቱን ተከታትሎ በዚህ ዓመት ለመመረቅ የበቃው ተማሪ ቤተማሪያም ዩኒቨሬሲቲው ጥራትን ለማረጋገጥ ልዩ ትኩረት ሰጥቶ እየሰራ ነው:: ከዚህ ጎን ለጎን ደረጃውን የጠበቃ ምዘና በመስጠት ተወዳዳሪ የሆኑ ተማሪዎችን አሰልጥኖ እያወጣ እንደሆነም ይመሰክራል:: 

ትዕግስት ጸጋየ በበኩሏ ዩኒቨርሲቲው በልዩ ትኩረት ተማሪዎችን በመከታተልና ደረጃውን የጠበቀ ምዘና በማድረግ ሰልጥነው

የሚወጡ ተማሪዎች በሁሉም መልክ ተወዳዳሪ እንዲሆኑ ድጋፍ ያደርጋል ትላለች፡፡ ቀደም ሲል ከሌላ ዩኒቨርሲቲ በሌላ ትምህርት የመጀመሪያ ዲግሪ እንዳላት የገለጸች ትዕግስት አድማስ ብቃት ያላቸውን መምህራን በመመደብ ጥራቱን የጠበቀ ትምህርት በመስጠት ተማሪዎችን ለማብቃት የተለያዩ ተግባራትን እንደሚያከናውን ትናገራለች::

በማኔጅመንት የዲግሪ ተመራቂ የሆነችው ትዕግስት ኢሬና በበኩሏ አድማስን ከሌሎች ዩኒቨርሲቲዎች ከሚለዩት መሰረታዊ ጉዳዮች አንዱ የመምህራን ብቃትና የምዘና አሰጣጥ ስርዓቱ ጠንካራ መሆኑ ነው ትላለች:: ትዕግስት አያይዛም በተለይ መምህራን ከተማሪዎቻቸው ጋር ያላቸው ቅርበት የጠበቀ በመሆኑ ከተማሪዎች የሚነሱ ችግሮችን በወቅቱ ለመፍታት ያስችላል ይህ ደግሞ  ለመማር ማስተናሩ መጠናከር የጎላ ድርሻ እንዳለው ትናገራለች::

ተመራቂ ተማሪዎቹ አያይዘውም አድማስ ዩኒቨርሲቲ ሁለተኛ ዲግሪ መርሃ ግብር መጀመሩ አሰካሁን ድረስ አሰልጥኖ ላስመረቃቸው ተማሪዎችም ሆነ አሁን በመማር ላይ ላሉ ተማሪዎች መልካም ዜና እንደሆነ ገልጸው ቀደም ሲልም በተለያዩ መድረኮች የሁለተኛ ዲግሪ ስልጠና እንዲሰጥ ጥያቄ ይቀርብ እንደነበር ገልጸዋል::

እንደዚሁም ዩኒቨርሲቲው ተማሪዎች በተለያዩ የማህበረሰብ ተግባራት  እንዲሳተፉ እንደሚያበረታታና ተማሪወቹም በተለያዩ የበጎ አድራጎት ተግባራት በመሰማራት አሰተዋጽኦ እያደረጉ እንደነበርም